00:31:48

Rojava News: Serokê Herêma Kurdistanê Mesûd Barzanî  ji malbat û kesûkarên rojnamevana Şehîd Şîfa Gerdî peyama sersaxî xwest.

Serokê Herêma Kurdistanê Mesûd Barzanî li ser malpera fermî ya Serokatiya Herêma Kurdistanê ji bo malbat û kesûkarên rojnamevana Şehîd Şîfa Gerdî peyama sersaxiyê da.

Doh (25.02.2017) di şerê Mûsilê de, ji ber teqîna bombeyeke vedayî rojnamevana jêhatî ya Rûdawê Şîfa Gerdî şehîd bûye û wênegir Yûnis Mistefa jî birîndar bûye.

Peyama Mesûd Barzanî bi vî awayî ye:

“Bi xemeke mezin ve nûçeya şehîdbûna rojnamevan Şîfa Gerdî gihîşt min ku roja şemî 25.02.2017 li dema encamdana erkê rojnamevaniyê li bajarê Musilê şehîd bû. Şehîdbûna Şîfa dûpatkirina rol û pêgeh û qurbanîdana jin û xortên serbilindên welatê me li karwana xebat û xweragirî û rewşengeriya gelê Kurdistanê.

Bi vê xemgîniyê pirse û serxweşiya xwe pêşkêşî we û hevkarên wê yên li tora medyayî ya Rûdaw û hemû rojnamevanên Kurdistanê dikim.

Ji xwedayê mezin hêvîdarim ruhê pakê şehîd Şîfa bi bihûşta fireh şad bike û sebir û aramiyê jî bibexşê hemû aliyek.

Inna Lilleh We Inne Ileyhî Racîun (Em Ji Xweda Hatin Û Emê Dîsa Vegerin Xweda)”