Rojava News: Ew nexweşî berî demekê li Idlibê derketibû û xelkê Idlibê bi xwere anîne bajarê Hesekê.
Lİ gor Çawkaniyên tendirûstî ji bajarê Hesekê 3 kes bi nexweşiya (Şewba Berazan) “Orthomyxoviridae” hatine dîtin û niha ew nexweş di nexweşxaneyekê de ne.
Herwiha li gor nuçeya li ser malpera Basnewsê van çavkniyan amaje bi wê yekê jî kirine ku, 2 xort û jinek ji xelkên parêzgeha Idlibê ku niha li Hesekê dijîn bi sedema vê nexweşiyê niha li yek ji nexweşxaneyên bajarê Hesekê ne, wê li nexweşxaneyê bimînin ji bo nexweşiyê veneguhezînin ji kesên din re.
Ji aliyekê din ve wan çavkaniyan tekez kirin ku, rewşa wan nexweşan gelekî xerabe ji ber kêmbûna derman û kadirên tendirûstî li bajarê Hesekê, herwiha tirs heye ku gelek kes ji xelkên Idlibê yên ku niha li Hesekê bi cî bûne, piştî ku Eniya Elnusra destê xwe daniye ser Idlibê, bi vê nexweşiyê bin, bi taybet piştî ku gelek kes li wî bajarî vê dawiyê bi nexweşiya (Şewba Berazan) “Orthomyxoviridae” ketibûn.
